Lífsleikni - Iðnskólinn í Reykjavík

Aðalvalmynd:

Námskrár

Samkvæmt aðalnámskrá framhaldsskóla eiga að vera námsgreinar í brautarkjarna sem stuðla eiga að almennri menntun og búa nemendur undir þátttöku í samfélaginu. Undir þetta flokkast námsgreinin lífsleikni og gerir námskráin ráð fyrir því að nemendur skili þremur einingum í lífsleikni. Eftirfarandi kemur fram í aðalnámskrá framhaldsskóla, lífsleikni frá 1999:

Lífsleikni er ákveðin færni sem einstaklingar eru að tileinka sér alla ævina á enda. Alla ævi eru einstaklingar að takast á við kröfur og áskoranir daglegs lífs.

Í aðalnámskrá framhaldsskóla er einnig gert ráð fyrir því að skólar reyni að laga greinina að sinni sérstöðu, námsframboði og þeim staðháttum sem ríkja í skólanum. Því hefur t.d. verið valin sú leið i Tækniskólanum að kenna lífsleikni sem LKN 103 (fyrir nemendur undir 18 ára og á öllum námsbrautum). LKN 102 ( fyrir nemendur allra brauta á öllum aldri). Einnig hefur verið kennd LKN 121 sem þriðja einingin (fyrir alla aldurshópa og allar brautir). Til viðbótar hefur verið kennd LKN 1L1 sem er séráfangi fyrir nemendur listnámsbrautar þar sem unnið er með þeirra áherslur s.s. umsóknaferli í framhaldsnám. Tilraun hefur verið gerð með lífsleikni fyrir útskriftarnemendur í rafiðngreinum sem heitir LKN 1R1. Þetta fyrirkomulag er í stöðugri endurskoðun.

Skólanámskrá og kennsluáætlanir eru unnar með hliðsjón af aðalnámskrá framhaldsskóla.